«Turan» voleıbol klýby Qazaqstan chempıonatynyń qola júldegeri boldy
ASTANA. KAZINFORM — Astana qalasyndaǵy «Barys arena» stadıonynda voleıboldan áıelderdiń ulttyq lıga komandalary arasynda Qazaqstan chempıonatynyń qorytyndy kezeńi máresine jetti.
Qola júlde úshin básekede sońǵy oıynda serbııalyq maman Vladımır Vasovıch jattyqtyratyn «Berel» (Óskemen) men Túrkistannyń «Turany» (bas bapkeri Asqar Shalqybekov) alańǵa shyqty.
Osyǵan deıin úshinshi oryn úshin taıtalasta qos komanda bir-birden jeńiske jetken edi. Bul joly alǵashqy eki partııada óskemendikter basymdylyq tanytty — 25:19, 25:22.
Budan keıin túrkistandyqtar kambek jasaı bildi — 25:21, 25:23, 15:7. Qorytyndy esep — 3:2.
Osylaısha, «Turan» úzdik úshtikti túıindese, «Berel» bıyl júldesiz qaldy.
«Almaty» komandasy «Qaraǵandyny» 3:0 esebimen utyp, qorytyndy esepte besinshi orynǵa kóterildi. Sońǵy oıynda «Astanadan» aılasyn asyrǵan «Aqtóbe» klýby qaraǵandylyqtardy yǵystyryp, 6-satyǵa kóterildi.
Eske sala keteıik, budan buryn «Jetisý» voleıbol klýbynyń onynshy ret Qazaqstan chempıony atanǵanyn jazǵan bolatynbyz.
