«Turan-Tomırıs» komandasy «Oqjetpes» qaqpasyna jaýapsyz 18 gol soqty

ASTANA. KAZINFORM - Fýtboldan áıelder arasyndaǵy Qazaqstan chempıonatynyń ekinshi týry máresine jetti.

Atalǵan týrda keıbir komandalar qarsylastaryn iri eseppen tize búktirdi. Osyndaı eseptiń biri «Turan-Tomırıs» (Túrkistan) pen «Oqjetpes» (Kókshetaý) kezdesýinde tirkeldi.

Birinshi kezeńde túrkistandyq komanda qaqpasyna jaýapsyz toǵyz gol soqty. Ekinshi kezeńde de dál sondaı goldy qaqpaǵa toǵytty. Osylaısha «Turan-Tomırıs» qarsylasynan 18:0 esebimen basym tústi. Bul - bıylǵy el birinshiligindegi rekordtyq kórsetkish. Ázirge budan joǵary esep tirkelgen joq.

Sondaı-aq atalǵan týrda óz alańynda «Astana» shymkenttik BIIK klýbyna 0:9 esebimen jeńilse, «Aqtóbe» qyzylordalyq «Qaısardan» 8:0 esebimen basym tústi. 

Ekinshi týrdaǵy ózge oıyndar nátıjesi:

«Qyzyljar» (Petropavl) - «Ulytaý» (Jezqazǵan) 1:0

«Qaırat» (Almaty) - «Elimaı» (Semeı) 0:2

«Jeńis» (Astana) - «Jetisý» (Taldyqorǵan) 2:0

«Atyraý» - «Tobyl» (Qostanaı) 1:1.

Atalǵan týrdan keıin BIIK pen «Aqtóbe» alǵashqy eki oryndy ózara bólisse, úzdik úshtikti tórt upaımen «Turan-Tomırıs» túıindep tur. 

Jarys erejesine sáıkes ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.