«Turan» men «Aqjaıyq» Premer-Lıgadan túsip qaldy
ASTANA. QazAqparat – Fýtboldan Premer-Lıga komandalary arasyndaǵy 2022 jylǵy el birinshiligi máresine jetti, dep habarlaıdy QazAqparat tilshisi.
26-týrdaǵy sońǵy eki oıynda Pavlodar oblysynyń «Aqsýy» óz alańynda «Atyraýdy» 2:1 esebimen jeńse, Túrkistan oblysynyń «Maqtaraly» men Shymkenttiń «Ordabasy» klýby 0:0 esebine qanaǵat bildirdi.
Sondaı-aq, búgin «Astana» syrt alańda Qaraǵandynyń «Shahterin» 3:2 esebimen jeńse, «Aqtóbe» óz alańynda Almatynyń «Qaıratynan» 4:1 esebimen basym tústi. Al Qostanaıdyń «Tobyly» syrt alańda Oraldyń «Aqjaıyǵyn» 3:1 esebimen tize búktirdi.
Al «Taraz» óz alańynda Túrkistannyń «Turanyna» 2:3 esebimen jeńilse, Petropavldyń «Qyzyljary» óz alańynda Aqtaýdyń «Kaspııinen» 4:1 esebimen basym tústi.
Osylaısha «Astana» chempıon atansa, «Aqtóbe» men «Tobyl» ekinshi jáne úshinshi oryndardy ózara bólisti. «Turan» men «Aqjaıyq» aldaǵy jyly birinshi lıgada oıyn kórsetedi.
Eske salsaq, budan buryn «Oqjetpes» pen «Qaısar» Premer-lıgaǵa joldama aldy.
Endi 12 qarashada Qazaqstan kýbogynyń fınalynda «Aqjaıyq» pen «Ordabasy» komandalary kezdesedi.
