«Turan» komandasyna jańa bapker taǵaıyndaldy

ASTANA. KAZINFORM - «Turan» fýtbol klýby bas bapkeri qyzmetine Ábdihalyq Bóribaev keldi.Bul jóninde komandanyń baspasóz qyzmeti málim etti.

Komandada bolǵan kadrlyq ózgeristerge baılanysty qazirgi ýaqytta komanda oıynshylar quramy jasaqtalyp jatyr. Klýb sapyna qazaqstandyq jáne jergilikti oıynshylar shaqyryldy.

— Qazir tolyq quram jasaqtalyp jatyr, — dep habarlady klýbtyń baspasóz qyzmeti.

Ábdihalyq Bóribaev 1969 jyly dúnıege kelgen. Ol budan buryn da komandada bas bapker qyzmetin atqardy. Túrkistandyq klýbty ekinshi lıgadan Premer-lıgaǵa deıin alyp shyqty. Tórt jyldaı buryn densaýlyq jaǵdaıyna baılanysty komandadan ketti.

Aıta ketsek, bıyl «Turanda» qarjy máselesine baılanysty bas bapker Vıtalıı Jýkovskıı men sheteldik fýtbolshylar ketip qaldy. 

Eki jaqtyń kelisimi boıynsha belarýstik oıynshylar — Rýslan ıÝdenkov, Igor Stasevıch, Vasılıı Sovpel jáne Egor Hatkevıch, chernogorııalyq Iovan Paıovıch pen Goran Mıloıko «Turan» sapynan ketti.