«Turan» fýtbol klýbynyń bas bapkeri qyzmetinen ketti
NUR-SULTAN. QazAqparat – Premer-lıgada óner kórsetetin «Turan» fýtbol klýbynyń bas bapkeri Sergeı Kogaı qyzmetinen ketti, dep habarlaıdy QazAqparat tilshisi.
Túrkistandyq klýbtyń baspasóz qyzmetinen málim etkenindeı, taraptardyń ózara kelisimine sáıkes qazaqstandyq mamanmen kelisimshart merziminen buryn úzildi.
Taǵy bir qazaqstandyq maman Aleksandr Kýchma bas bapker mindetin ýaqytsha atqarýshy bolyp bekitildi. Ol komandany 4 qyrkúıek kúni Shymkentte «Ordabasymen» ótetin oıynǵa daıyndaıdy.
«Turan» birinshilik kestesinde 16 upaımen 13-orynda keledi, ıaǵnı qaýipti aımaqta tur.
Eske sala keteıik, budan buryn «Qaıratty» jeńgen «Aqjaıyqtyń» Qazaqstan kýbogynyń jartylaı fınalyna shyqqanyn jazǵan bolatynbyz.
