«Turan» fýtbol klýbynyń jańa bas bapkeri taǵaıyndaldy

ASTANA. KAZINFORM – Vıktor Kýmykov «Turan» klýbynyń jańa bas bapkeri boldy. Bul týraly atalǵan klýbtyń baspasóz qyzmeti habarlady. 

62 jastaǵy bapker endi túrkistandyq «Turan» klýbyn baptaıdy. 

Kýmykov ótken maýsymda «Qaısar» klýbyn jattyqtyrǵan bolatyn. Ol ýaqytta qyzylordalyq komanda sapynda tek qazaqstandyq fýtbolshylar dop tepken edi. 

Aıta ketsek, Vıktor Kýmykova jergilikti jankúıerlerge qaraǵandylyq «Shahter» komandasyndaǵy jumysymen tanymal. Bul mamannyń jetekishiligimen «Shahter» 2011 jáne 2012 jyldary Qazaqstan chempıony atansa, 2013 jyly Qazaqstan Sýperkýbogyn, 2013 jyly Qazaqstan Kýbogyn jeńip alǵan. Sondaı-aq Kýmykovpen qaraǵandylyq komanda Qazaqstannyń fýtbol tarıhynda tuńǵysh ret Eýropa Lıgasynyń toptyq kezeńine shyqty. 

Eske sala keteıik, buǵan deıin Qazaqstan fýtbol federatsııasy Begaıym Qyrǵyzbaevanyń Qazaqstan áıelder ulttyq quramasynyń bas bapkeri qyzmetine taǵaıyndalǵanyn habarlaǵan edi.