«Turan» fýtbol klýbynyń bas bapkeri qyzmetinen ketti

ASTANA. KAZINFORM — Sońǵy sátsiz nátıjelerge baılanysty «Turan» fýtbol klýbynyń bapkerlik shtabynda ózgerister boldy.

«Turan» fýtbol klýbynyń baspasóz qyzmetinen málim etkenindeı, bas bapker Ábdihalyq Bóribaev pen onyń kómekshisi Artýr Avakıants qyzmetinen ketti. 

Túrkistandyq klýb premer-lıgada 19 týrdan keıin 11 upaımen 13-orynda keledi. 

Birinshi lıgaǵa túsip qalý qaýpi tóngen komanda ótken týrda Taldyqorǵanda «Jetisýdan» 0:1 esebimen jeńilip qalǵan bolatyn. 

Túrkistandyqtar kelesi oıynyn 9 tamyzda Atyraýda jergilikti klýbpen ótkizedi. «Atyraý» 9 upaımen kósh sońynda keledi. 

Eske sala keteıik, budan buryn Chempıondar lıgasynda «Qaırat» óz alańynda «Slovannan» basym túskenin jazǵan bolatynbyz.