«Turan» etno-folklorlyq ansambliniń jańa kúıtabaǵy jaryqqa shyqty
ALMATY. 29 qyrkúıek. QazAqparat /Erbol Azanbek/ - Almatyda «Turan» etno-folklorlyq ansambliniń «Er Turan» atty kúıtabaǵanyń tanystyrylymy ótti.
«Turan» etno-folklorlyq ansambli 2008 jyly Qurmanǵazy atyndaǵy Qazaq Ulttyq konservatorııasynyń stýdentteriniń bastamasymen qurylǵan. Qazaqtyń kóne mýzyka ónerin búgingi zamanmen úndestirip júrgen erekshe toptardyń biri. Dombyra, sybyzǵy, shańqobyz, saz-syrnaı, sherter, jetigen, shińkildek, qyl-qobyz únin búginge deıin Frantsııa, Izraıl, Túrkııa, Germanııa, Ońtústik Koreıa, AQSh, Ispanııa, Ózbekstan elderine jetkizip, qazaq mádenıetin pash etip júr. Búginge deıin ansambl halyq aspaptar oryndaýshylarynyń Halyqaralyq konkýrstary men festıvalderiniń laýreaty atanyp úlgerdi. Top quramyndaǵy Maqsat Medeýbek, Baýyrjan Bekmuhanbetov, Qorlan Kartenbaeva, Serik Nurmoldaev sybyzǵy, shańqobyz, saz-syrnaı, sherter, jetigen, shińkildek, dombyra, qyl-qobyz jáne basqa da aspaptarda oınaıdy, toptyń taǵy bir múshesi Abzal Aryqbaev ejelgi óner túri kómeımen án aıtý dástúrli ónerin meńgergen.
Toptyń jańa kúıtabaǵy QR Tuńǵysh Prezıdenti Qorynyń qarjylaı qoldaýymen shyǵyp otyr. Jańa kúıtabaqta «ErTuran», «Muqaǵalı tolǵaýy», «Jarapazan», «Qaıystyń zary», «Orteke», «Aqqý» «Ańshylyq», «Elim-aı», «Shıli ózen», «Qara jorǵa», «Іńir» syndy qazaqtyń halyq ánderi men avtorlyq shyǵarmalar jınaqtalǵan. Tanystyrylym barysynda top músheleri kúıtabaqqa engen shyǵarmalardy oryndap, kontsert berdi. «QR Tuńǵysh Prezıdenti qorynyń qoldaýyna úlken alǵys bildiremiz. Bul bizdiń bolashaqqa senimmen qaraýymyzǵa yqpal etedi», - deıdi top músheleri.
