Turan dańǵylynyń bir bóligi ýaqytsha jabylady
ASTANA. QazAqparat – Turan dańǵylynyń bir bóligi jóndeý jumystaryna baılanysty 6-12 mamyr aralyǵynda jabyq bolady, dep habarlaıdy QazAqparat Astana qalasy ákimdiginiń resmı saıtyna silteme jasap.
Elordalyq Kólik jáne jol-kólik ınfraqurylymyn damytý basqarmasy Turan dańǵylynda ortasha jóndeý jumysyn júrgizýdi josparlap otyr. Osyǵan baılanysty 6-12 mamyr aralyǵynda Buqar jyraý kóshesinen Orynbor kóshesine deıingi ýchaskede kólik quraldary úshin eki jaqty qozǵalys tolyǵymen jabylady.
Jol qozǵalysy qaýipsizdigin qamtamasyz etý maqsatynda bul shara Astana qalasy PD ákimshilik polıtsııa basqarmasymen kelisildi.
Elorda turǵyndary men qonaqtary joldarda keptelis boldyrmaý úshin qozǵalys baǵytyn aldyn ala josparlaýy qajet.
