Turan dańǵyly men Syǵanaq kóshesiniń qıylysynda sary «tor» paıda boldy
ASTANA. QazAqparat - Mundaı belgi keptelister jıi bolyp turatyn jol qıylystaryna arnalǵan. Onyń negizgi mindeti - alda keptelis paıda bolǵan jaǵdaıda shyǵýǵa ruqsat etilmeıtin aýmaqty anyqtaý, dep habarlaıdy Astana qalasynyń ákimdigi ІІD saıtyna silteme jasap.
Astana qalasy Іshki ister departamenti 2 qyrkúıekten bastap keptelister jıi oryn alatyn retteletin jol qıylystarynda jańa eksperımenttik jol belgisi paıda bolǵanyn eskertedi.
«Tor» belgisi - jol qıylysynyń kólik júretin bóligine salynǵan sary syzyqtardan turatyn tor. Belgi kórnekiliktiń deńgeıin jaqsartyp, jolaýshyǵa jol qıylysynan ótý erejesin oryndaýǵa kómektesedi.
Qıylystyń shekaralary júrgin bólikterdiń aınalmasy bastalatyn núktelerdi baılanystyratyn, qıylystyń ortasynan eń alys ornalasqan joramaldaǵy syzyqtarmen belgilenedi.
Júrgizýshi qıylystyń shekarasyn ońaı anyqtaı alady, al «tor» belgisi olarǵa anyqtap kórýge múmkindik jasaıdy.
Júrgizýshini jol qıylysynda toqtaýǵa májbúr etetin kólik keptelisi paıda bolǵan jaǵdaıda belgige shyǵyp ketýge bolmaıdy.
Sondaı-aq, belgi salynǵan qıylysta qarama-qarsy bette kele jatqan avtokólikti ótkizip jiberý kerek bolǵan jaǵdaıda artqa burylýǵa bolmaıdy.
Aldaǵy ýaqytta júrgizýshige jol qıylysynda «tor» belgisiniń bar ekenin eskertý úshin sáıkes tehnıkalyq quraldar paıdalanylady.
Budan bólek, «tor» belgisi ázirge synaq rejımi retinde engiziletinin habarlaımyz.
Atalǵan qıylysta jol erejelerin buzý QR ÁQBtK-niń 594-baby, 1,4 bólikterine («Jol qıylysyna shyǵý nemese keptelis kezinde joldyń júrgin bóliginen ótý arqyly kóldeneń baǵytta kele jatqan kólikter úshin kedergi týǵyzý» ) sáıkes talaptardy oryndamaý retinde tanylady.
Atap aıtqanda, QR ÁQBtK 594-baby, 1-bóligi boıynsha eskertý jasalady nemese 3 AEK túrinde aıyppul salynýy múmkin. QR ÁQBtK-niń 594-baby, 4-bóligine sáıkes, ákimshilik jaza taǵaıyndalǵannan keıin bir jyl ishinde jol erejesin qaıta buzǵan azamat 7 AEK túrinde aıyppul tóleıdi.
