Turan dańǵyly boıyndaǵy kólik qozǵalysy ýaqytsha ózgerdi

ASTANA. KAZINFORM – Elordalyq Kólik jáne jol-kólik ınfraqurylymyn damytý basqarmasynyń málimetinshe, Buqar jyraý kóshesinen Uly Dala dańǵylyna deıingi ýchaskede Turan dańǵylynyń boıyndaǵy buryn jabylǵan ýchaske, sondaı-aq Uly Dala dańǵylynan Hýseın ben Talal kóshesine deıingi ýchaske áýejaıdan qalaǵa qaraı ashyq. Bul týraly Astana ákimdiginiń resmı saıty jazdy.

Osy jyldyń 23-25 mamyr aralyǵynda Turan dańǵylynyń ekinshi jaǵy Hýseın ben Talal kóshesinen Uly Dala dańǵylyna deıingi ýchaskede qala jaǵynan áýejaıǵa qaraı jabylady.

Bul rette Turan dańǵyly-Hýseın ben Talal kóshesi men Turan dańǵyly-Uly Dala dańǵylynyń qıylysy ashylady.

Elorda turǵyndary men qonaqtarynan júrgizilip jatqan jumystarǵa túsinistikpen qaraýdy jáne óz baǵytyn aldyn ala josparlaýdy suraıdy.