Turaqtylyǵymen tanymal Sıngapýr dollarynyń da quny tústi
ASTANA. QazAqparat - Aqshanyń qunsyzdanýy Sıngapýr dollaryna da jetti, dep jazady khabar.kz.
Buǵan deıin turaqtylyǵymen áıgili bolyp turǵan aqsha birligi 3 jyl burynǵy kórsetkishimen taǵy da «qaýyshty».
Bul ulttyq ortalyq banktiń tosyn syıy boldy. Mamandar: «bul - álemdik iri derjavalardyń óz ekonomıkasynyń básekege qabilettiligin arttyrý úshin júrgizip jatqan valıýtalyq soǵystarynyń kezekti kórinisi» dep baǵalaýda.
Sıngapýrlyq dollar qunsyzdaný sherýine reseılik rýbl, japondyq ıena, qytaı ıýaninen keıin qosylyp otyr. Ári munyń bári bir aıǵa da jetpeıtin qysqa merzimniń ishinde oryn alǵany sıngapýrlyqtardy sergeldeńge túsirgen jaıy bar.
Sarapshylar bul jaǵdaıdy amerıkalyq dollardyń sharyqtap bara jatqan baǵamyna qatysty ózge elderdiń qalypty reaktsııasyna balap otyr. Degenmen, qunsyzdaný úrdisi munymen tyıylmaıtyn syńaıly.
