Turaqty makroekonomıkalyq ahýal Qazaqstan ekonomıkasynyń basty artyqshylyǵy - Serik Ahanov
sp;ALMATY. 14 sáýir. QazAqparat /Erlik Erjanuly/ - Qazaqstan ekonomıkasynyń eń álsiz jaǵy taýar, tehnologııa jáne qural-jabdyq ımportyna táýeldiligi. Ony Qazaqstan qarjygerler qaýymdastyǵy Keńesiniń tóraǵasy Serik Ahanov Almatyda ótip jatqan 7 Halyqaralyq táýekel-menedjmenti konferentsııasynda aıtty.
«Qazaqstan ekonomıkasynyń eń kúshti jaǵy turaqty makroekonomıkalyq ahýal. Al keleshigi eń kemeli strategııalyq josparlaýdyń joǵarǵy róli. Oǵan - 5, 10, 15, 20 jáne 30 jyldyq strategııalyq damý baǵdarlamalary aıqyn dálel bola alady», deıdi Serik Ahanov. Onyń aıtýynsha, el ekonomıkasyndaǵy eń úlken qater qazir aýrýlardyń ártúrli sımptomdary bolyp otyr. Olardy der kezinde emdep, joıý qajet. Sondyqtan ulttyq ekonomıka men memlekettik basqarýdyń - álsiz, qaterli, kúshti jáne keleshegi zor 4 jaǵy ǵylym ǵana emes óner. Eger álsizdikti joıyp, tónip kele jatqan qaýip-qater bultyn der kezinde seıiltip teńdestirip otyrsaq joǵary nátıjege qol jetkizýge múmkindik mol. Óıtkeni Qazaqstan 2007 jylǵy 17 tamyzdaǵy álemdik qarjy daǵdarysy bastalǵanǵa deıin jyl saıyn 10 paıyzdyq damýǵa qol jetkizgen álemdik úzdik bes eldiń qatarynda boldy.
