Turaqty damý negizi - sapaly bilim berýdi jaqsartý

Damý qar­qyny osylaı ke­te berse, jyl saıyn bilim tolyqtyryp oty­rý qajettigi týa­ry haq. Bul jóninde Elbasy Nursultan Na­zarbaev ár jyl­ǵy Joldaýy men baǵdarly sózderinde aıtyp kele jatyr. Osy másele «Nazarbaev ýnıversıtet»  bolǵan alqaly jı­ynda jan-jaqty talqyǵa tústi.  Basqosýdyń taqyryby «Ómir boıy bilim alý: turaqty damý múddesinde úzdiksiz bilim berý» dep atalady. Mundaı konferentsııa budan buryn da ótken edi.

On be­sin­shi ret bolǵan jıynnyń ne­gizgi uıymdastyrýshysy Y.Al­ty­n­sarın atyndaǵy Ult­tyq bi­lim akademııasy ekenin eske sa­la ketsek deımiz. Konferentsııa jum­y­syna Frantsııa, Reseı, Polsha, Ita­lııa, Belarýs, Gonkong, Óz­bekstan ǵalymdary, otandyq bi­lim berý mekemeleriniń ókil­deri, oblystar men Astana já­ne Almaty qalalary bilim bas­qarmalarynyń, sonymen qa­tar joǵary oqý oryndarynyń, kadr­­lar biliktiligin arttyrý já­­­ne olardy qaıta daıarlaý ıns­­tı­týtynyń, kolledjdiń oqy­tý­­shylary, mektep muǵalim­de­ri qa­tysty. 

Álemdik deńgeıdegi úz­dik­siz bilim berý jónindegi uıym­das­tyrý komıtetiniń quramyna BUU-nyń Úkimetaralyq uıymy, ıÝNESKO, Eýrazııalyq eko­no­mıkalyq qoǵamdastyǵynyń Par­lamentarlyq Assambleıasy, ıÝNESKO-nyń úzdiksiz bilim berý ınstıtýty (Germanııa), Gonkong ıÝNESKO-ıÝNEVOK or­talyǵy, Reseı bilim akademııa­sy, taǵy basqa mekemeler kiredi. Qa­zaq elinde ótken mereıtoılyq kon­ferentsııa Sankt-Peterbýrgte bol­ǵan jıynnyń zańdy jal­ǵa­sy.

Konferentsııanyń negizgi maq­sa­ty - turaqty damý múddesinde úz­dik­siz bilim berýdiń álemdik má­se­­lelerin talqylaý jáne halyq­ara­lyq deńgeıde pikir almasa oty­ryp, onyń oń nátıjelerin iske asyrý.   Alqaly jıynnyń ashylýy­n­­da Bilim jáne ǵylym mı­­nı­s­tr-­ li­giniń jaýapty hatshysy Aryn Órsarıev bilim berý isine jan-jaqty toqtalyp, Elbasy Nursultan Nazarbaevtyń «Bo­la­shaqqa baǵdar: rýhanı jań­ǵy­rý» halyqtyq jobasy boı­ynsha jumystar júrgizilip jat­qanyn, ásirese ony bilim salasynda júıeli júrgizý qolǵa alynǵanyna naqty dáıekter keltirdi.

Májilis depýtaty J.Nurmanbetova, Y.Altynsarın atyn­daǵy Bilim akademııasynyń pre­zıdenti J.Jylbaev, qazaq elin­de ju­my­syn bastaǵaly otyrǵan EKSPO-­2017 kórmesi qarsańynda bol­­ǵan  bul konferentsııa elimizdiń áleýetin kórsetetinin jan-jaq­ty baıandady. Al plenarlyq májiliste «Nazarbaev zııatkerlik mek­tep­te­ri» DBBU basqarma tóraıymy K.Shámshıdınova zamanaýı álem talaby konteksinde bi­lim mazmunyn jańartý týraly baılamdaryn ortaǵa saldy.

K.Ammosov atyn­daǵy Soltústik Shyǵys federaldy ýnıversıtetiniń rek­­tory, akademık Evgenııa Mı­haı­­lova (Reseı) bilim or­da­­syn­daǵy ınnovatsııalyq da­my­tý­­dyń zııatkerlik platforma­sy­na toqtalsa, Belarýs Res­pýb­­lıkasynan kelgen ǵalym Na­­talıa Perevalova jalpy orta bi­l­im berý mazmunyn jańartý, ony ǵylymı negizde júzege asyrý boıynsha óz tájirıbelerin or­­ta­ǵa saldy.

Sol sekildi «Bar­sha­ǵa arnalǵan úzdiksiz bil­im» qo­ǵamdyq birlestiginiń pre­zı­denti, professor Nıkolaı Lobanov, Reseı  úzdiksiz kásiptik bilim berý júıesindegi adamnyń erkindigi men táýeldiligine qa­tys­ty máselelerdi qozǵady.  So­ny­men, eki kúnge sozylǵan úzdik­siz bilim berýge qatysty ótken jıynda birneshe usynys  qabyldanyp, ár azamatqa arnaıy sertıfıkattar tapsyryldy.