Turaqtandyrý qorlaryndaǵy azyq-túlik taýarlarynyń kólemi qansha
«Qorlardy baǵalaý jolymen óńirlerdiń azyq-túlikpen qamtamasyz etilýine monıtorıng júrgizilýde. Azyq-túlik taýarlarynyń 16 túri boıynsha Úkimettiń rezervteri qalyptastyrylǵan. Bul maqsattarǵa 16,7 mlrd teńge bólindi, ol 43,5 myń tonna azyq-túlik satyp alýǵa múmkindik berdi. Sonymen birge, ákimdikterdiń jedel derekteri boıynsha qazir respýblıkada jalpy kólemi 619,2 myń tonna áleýmettik mańyzy bar azyq-túlik taýary men 318,6 mln jumyrtqa qory bar», - dedi mınıstr Úkimet otyrysynda.
Sonymen qatar S. Omarov turaqtandyrý qorlarynyń qyzmetine toqtala kele, osy jyldyń basynan bastap osy qorlardan 38,3 myń tonna áleýmettik mańyzy bar azyq-túlik taýarlary ótkizilgenin jetkizdi. Bul rette turaqtandyrý qorlaryna 38,2 myń tonna azyq-túlik, onyń ishinde 21,2 myń tonna un, 6,5 myń tonna qant, 3,1 myń tonna kartop, 2 myń tonna makaron, 1,7 myń tonna kúrish, 700 tonna qaraqumyq jarmasy jáne basqa da azyq-túlik túrleri satyp alyndy.
«Qazirgi kezde turaqtandyrý qorlarynda 27,7 myń tonna áleýmettik-mańyzy bar azyq-túlik taýarlary, onyń ishinde 12,5 myń tonna un, 7,9 myń tonna qant, 1,7 myń tonna makaron, 1,4 myń tonna kúrish, 1,3 myń tonna ósimdik maıy jáne azyq-túliktiń basqa da túrleri saqtalýda. Budan basqa, 21 myń tonna áleýmettik mańyzy bar azyq-túlik taýarlaryn, onyń ishinde 9,1 myń tonna kartop, 3 myń tonna pııaz, 2,5 myń tonna sábiz, 2 myń tonna qant jáne basqa da taýarlar túrlerin jetkizýge forvardtyq sharttar jasaldy», - dep naqtylady vedomstvo basshysy.
«Egin jınaý kezeńiniń bastalǵanyn jáne áleýmettik mańyzy bar kópshilik azyq-túlik taýarlary baǵasynyń qolaıly bolatynyn eskere otyryp, óńirlerdiń ákimdikteri turaqtandyrý qorlaryn qalyptastyrý boıynsha jumys júrgizýleri qajet» - dedi Saparhan Omarov.
