Týr de Skı: Poltoranınge qola medal úshin 11 sekýnd jetpeı qaldy
ASTANA. QazAqparat - Belgili qazaqstandyq shańǵyshylardyń biri Alekseı Poltoranın «Týr de Skı» saıysynyń jalpy esebinde tórtinshi orynǵa ıe boldy, dep habarlaıdy QazAqparat sport.inform.kz saıtyna silteme jasap.
Alpiniń Chermıs taýyna fınaldyq órleý kezeńinde (9 shaqyrymdyq) qazaqstandyq shańǵyshy norvegııalyq Martın Ionsrýd pen kanadalyq Aleks Harvıge ese jiberip aldy. Al atalǵan saıysta aldyna qara salmaǵan Darıo Kolonıaosy saıystyń tórt dúrkin chempıony atanyp, ekinshi kelgen qarsylasynan 1 mınýt 15sekýnd ýaqytqa ozdy.
Poltoranın starttan shyqqanda qarsylastarynan 7 sekýnd aralyqpen ozyp tursa da, 3 shaqyrymdyq órleý kezinde qarsylastary oǵan jetip aldy. Olarǵa tipti Aleksandr Bolshýnov ta jetip alǵanymen, márege 600 metr qalǵanda reseılik sharshap qaldy.
Negizgi báseke márege 300 metr qalǵanda qyza tústi. Norvegııalyq shańǵyshy márege jete bastaǵanda qarqynyn údete tústi de, Alekseıdi aqyry basyp ozdy.
San soqtyrǵan tórtinshi orynǵa qaramastan, Álem kýbogynyń bas klassıfıkatsııasynda Poltoranın 8 orynǵa kóterildi.
Eske sala ketsek, buǵan deıin «Týr de Skı» kezeńinde qazaqstandyq 15 shaqyrymdyq klassıkalyq úlgidegi mass-startty jeńip, qarsylasynan 0,6 sekýndqa ǵana qalyp, kúmis medaldi enshilegen bolatyn.
Týr de Skıdiń jalpy esebi
1. Darıo Kolonıa (Shveıtsarııa) - 28.52,1
2. Martın Ionsrýd Sýndbıý (Norvegııa) - 1.26,5
3. Aleks Harvı (Kanada) - 1.30,6
4. Alekseı Poltoranın (Qazaqstan) - 1.41,7
5. Hans Krıster Holýnn (Norvegııa) - 2.17,8
6. Aleksandr Bolshýnov (Reseı) - 3.09,7
7. Jan Mark Gaıar (Frantsııa) - 3.16,7
8. Danıel Rıkardsson (Shvetsııa) - 3.20,8
9. Alekseı Chervotkın (Reseı) - 3.33,5
10. Andreı Larkov (Reseı) - 3.37,8.
