«Týr de Franstyń» 6-kezeńinde slovenııalyq veloshabandoz jeńiske jetti
NUR-SULTAN. QazAqparat - Slovenııalyq veloshabandoz Tadeı Pogachar «Týr de Frans» jarysynyń altynshy kezeńiniń jeńimpazy atandy, dep habarlaıdy QazAqparat Euronews aqparat agenttigine silteme jasap.
Jeńimpaz sýperkópkúndik jarystyń Belgııanyń Benshe qalasynan Frantsııanyń Longvıine deıingi jalpy uzyndyǵy 220 shaqyrymǵa jýyq eń uzyn bóliginde birinshi bolyp márege jetti.
23 jastaǵy slovenııalyq sportshyǵa «Týr de Franstaǵy» sary jeıde bıyl alǵash ret buıyrdy.
Máre syzyǵyn ekinshi bolyp avstralııalyq Maıkl Mettıýs kesti. Úzdik úshtikke sondaı-aq frantsýz sportshysy Davıd Godıý kirdi.
Slovenııalyq sportshy alty kezeńnen keıin jalpy esepte kósh bastap tur.
Amerıkalyq sportshy Nılson Paýless odan 4 sekýndqa qalyp keledi.
Bedeldi velojarystyń jetinshi kezeńi Frantsııanyń Vogeza taý sileminde ótedi. Ondaǵy qashyqtyqtyń uzyndyǵy 176 shaqyrymnan asady.
