Týr de Fransta selfıge túspek bolǵan jankúıerdiń kesirinen sportshylar apatqa ushyrady
PARIJ. QazAqparat – Týr de Franstaǵy apat – ádettegi is, biraq jeksenbidegi 15-shi kezeń erekshe boldy. Sebebi, jankúıerlerdiń biri selfı túsirmekshi bolǵanda birneshe jarysýshy qulady, dep habarlaıdy QazAqparat CNN-ge silteme jasap.
Oqıǵa sóreden 129 km qashyqtyqta boldy. Jarysýshylar Le-Je-le-Port-dıý-Soleıden Sen-Jerve-Monblanǵa bara jatty.
Eurosport telearnasy tikeleı efırde jarysýshylardyń biri jarysty baqylap turǵan kórermenniń kesirinen tepe-teńdikti saqtaı almaǵanyn aıtty.
«Bireý joldyń boıynda selfı jasady», - dedi telearna kommentatory Den Lloıd.
«Bireý jarysýshylardyń jolyn kesip, sýretke túspekshi bolyp alysqa qaraı ketip qaldy. Bireýdiń qoly ıyǵyna tıip ketti, sodan bárimiz quladyq», - dedi keıin Karlton Kırbı Eurosport telearnasyna.
Selfı áýesqoıymen oqıǵa saldarynan Team Jumbo-Visma jarysýshysy Zepp Kýss qulap, onyń artynda kele jatqan basqa qatysýshylar da jyǵylǵan.
Kezeń qaıta jalǵasyp, zardap shekken jarysýshylar óz velosıpedtterine otyrǵan.
