«Týr de Frans» kópkúndik velojarysynda brıtandyq Frým top jardy
ASTANA. 22 shilde. QazAqparat - Ulybrıtanııanyń ókili Krıs Frým bedeldi «Týr de Frans» jarysynda jalpy esep boıynsha top jardy.
Kópkúndik tartystyń sońǵy 21-shi kezeńinde Versal men Parıj aralyǵyndaǵy 133,5 shaqyrym baǵyndyryldy.
28 jastaǵy Krıs Frým Kenııada dúnıege kelgen. Biraq ol birneshe jyl buryn Eýropaǵa kóship keldi, dep habarlaıdy VVS.
Al «Týr de Fransqa» alǵash ret joly túsken kolýmbııalyq Naıro Kıntana máre syzyǵyn ekinshi bolyp kesti. Ol úzdik jas veloshabandoz atanyp, jylda bıiktikke shyǵar kezeńderde erekshe kózge túsken sportshylarǵa buıyratyn «Taýlardyń patshasy» mártebesin ıelendi.
Reseılik «Katıýsha» quramasynyń ókili ıspandyq Haokım Rodrıges qola júldeni qanaǵat tutty.
