«Týr de Frans» kópkúndiginde «Astana» komandasynyń namysyn qorǵaıtyn sportshylardyń tizimi jarııalandy
ASTANA. Mamyrdyń 6-sy. QazAqparat /Ernur Aqanbaı/ - Maýsymnyń 3-de velosporttan áıgili «Týr de Frans-2010» kópkúndigi bastalady. Oǵan komanda kapıtany ıspanııalyq Alberto Kontador bastaǵan álemdegi úzdik veloklýbtardyń biri - «Astana» qatysady,
dep habarlaıdy QazAqparat.
«Bizdiń sport» saıtynyń málimetinshe, Qazaqstan velosport federatsııasynyń Bas hatshysy Valentın Rehert «Týr de Frans» kópkúndiginde «Astana» komandasynyń namysyn qorǵaıtyn veloshabandozdardyń tizimin jarııalady. Olar mynalar: Aleksandr Vınokýrov, Dmıtrıı Fofonov, Maksım Iglınskıı, Andreı Zeıts (barlyǵy Qazaqstanan), Oskar Pereıro, Danıel Navarro, Bendjamın Noval, Hesýs Ernandes, Davıd de la Fýente, Hosep Hýfre (barlyǵy Ispanııadan) jáne Andreı Grıvko (Ýkraınadan).
Aıta keteıik, - «Astana» komandasynyń kapıtany Alberto Kontador «Týr de Frans-2009» kópkúndiginiń jalpy esepte jeńimpazy atandy. Kontador jarysty 85 saǵat 48 mınýt 35 sekýndpen aıaqtap, basty qarsylasy lıýksembýrgtyq Endı Shlekten 4 mınýt 11 sekýndqa, al óziniń sol kezdegi komandalas serigi, «Týr de Franstyń» jeti dúrkin jeńimpazy - Lens Armstrongtan 5 mınýt 24 sekýndqa ozyp ketken bolatyn.
