«Týr de Frans» kópkúndigi márege jaqyndady
ALMATY. 21 shilde. QazAqparat - Frantsııada bıyl 99-shy ret ótip jatqan «Týr de Frans» kópkúndigi 22 shilde kúni aıaqtalady.
30 maýsymda bastalǵan bul dúbirli dodada qazir Qazaqstannyń «Astana Pro Team» komandasy 18 týrdyń qorytyndysy boıynsha «RadioShack-Nissan», «Sky Procycling», «BMC Racing Team» komandasynan keıin tórtinshi orynda kele jatyr. Al jekeleı synda negizgi jiktelimde «astanalyqtar» sapynan slovenııalyq ıAnets Braıkovıch 9-shy, Borýt Bozıch 131-shi, qazaqstandyqtardan Aleksandr Vınokýrov 32-shi,Dmıtrıı Fofonov 64-shi, Andreı Kashechkın 78-shi, Maksım Iglınskıı 118-shi, shvetsııalyq Fredrık Kesıakoff 40-shy, ýkraınalyq Andreı Grıvko 44-shi orynda kele jatyr. Úzdikter kóshin Team Sky komandasynyń ulybrıtaııalyq veloshabandozy Bredlı Ýıggıns bastap kele jatyr.
Endi sportshylar búgin 19-týrda Bonneval men Shartr arasyndaǵy 53,5 shaqyrymdyq básekeni ótkizedi. Al erteń Rambýıe men Parıj 120 shaqyrymdyq tegis jolda aqtyq 20-týrdy ótkizedi. Elıseı alańynda márege jetetin bul dodada bıylǵy «Týr de Frans» kópkúndiginiń jeńimpazdary men úzdik komandalary marapattalatyn bolady.
