«Týr de Frans» kópkúndigi: Alekseı Lýtsenko úzdikter qataryna endi
NUR-SULTAN. QazAqparat - Qazaqstandyq veloshabandoz Alekseı Lýtsenko «Týr de Frans» kópkúndiginiń 18-shi kezeńinde máre syzyǵyn úshinshi bolyp kesti, dep habarlaıdy QazAqparat Olympic.kz saıtyna silteme jasap.
«Astana» komandasynyń kapıtany ıAkýb Fýlsangtyń qulap qalǵany sportshylarǵa úlken soqqy boldy. Sol sebepti, veloshabandozdar jekelegen kezeńderde jaqsy nátıje kórsetý úshin baryn salýda.
Keshe Gorka Isagırre altynshy orynnan kórinse, búgin Lýtsenko úzdik úshtikke endi. Alekseı «Týr de Frans» dodasynda únemi aldyńǵy shepten kórinip júrgen bolatyn. Búgin úzdikter qataryna enip, jankúıerlerdi qýantty.
«Astana» komandasynyń ókili 208 shaqyrymǵa sozylǵan taýly kezeńdi jaqsy júrip ótti. Ol taktıkalyq turǵydan da qatelik jibergen joq. Máre syzyǵyn birinshi jáne ekinshi bolyp sáıkesinshe, kolýmbııalyq Naıro Kıntaný men frantsýz Roman Barde kesip ótti.
