«Týr de Frans»: Qazaqstandyq veloshabandoz Lýtsenko jeńiske jetti
NUR-SULTAN. QazAqparat - Búgin velosporttan áıgili «Týr de Frans» dodasynyń altynshy kezeńi aıaqtalyp, «Astana» komandasy men Qazaqstan quramasynyń kapıtany Alekseı Lýtsenko jeńiske jetti. QazAqparat bul týraly Olympic.kz saıtyna silteme jasap habarlaıdy.
Altynshy kezeńde sportshylar Le Teı men Egýal arasyndaǵy 191 shaqyrymdy júrip ótti. Máre syzyǵy Egýalda ornalasty.
Qazaqstandyq Alekseı Lýtsenko qarsylastarynan qara úzip, márege birinshi bolyp jetti. Ol jarys kezinde pelotonnan alty mınýtqa ozyq júrdi. Al márege jaqyn tusta Lýtsenko men negizgi toptyń arasy úsh mınýtty qurady.
Degenmen, Fabıo Arý (UAE Team Emirates) men Hesýs Errada (Cofidis) bizdiń sportshyǵa aıtarlyqtaı qarsylyq kórsetti. Alaıda, jarys jolynyń aıaqtalýyna on shaqyrym qalǵanda Arýdan qaýqar ketti, al Errada sońyna deıin kúresti. Qalaı bolǵanda da Lýtsenko qarsylasynan oq boıy ozyp, márege birinshi bolyp keldi.
H.Errada – ekinshi, Greg van Avermet (CCC Team) úshinshi boldy.
