Týr de Frans: «Astananyń» veloshabandozy jarystan shyǵyp qaldy
ASTANA. QazAqparat - «Týr de Frans» ekinshi kezeńinde jarystan shyǵyp qalǵan «Astana» komandasynyń múshesi, ıspandyq veloshabandoz Lýıs Leon Sanchestiń jaraqaty týraly belgili boldy, dep habarlaıdy «SPORTINFORM» SAA.
Lýıs Leon Sanches Lıa-Rosh-sıýr-Ion qalasyndaǵy aýrýhanada medıtsınalyq tekserýden ótip, sol qolynyń shyntaǵy men sol jaq búıirindegi tórt qabyrǵasyn jaraqattap alǵany anyqtaldy. Taıaý ýaqytta veloshabandozǵa Ispanııada ota jasalmaq. Onyń qashan aıaqqa turatyny ázirge belgisiz.
Eske salaıyq, ekinshi kezeńde qazirgi álem chempıony Peter Sagan jeńimpaz atandy. «Astana» kóshbasshysy ıAkob Fýlsang jalpy toppen márege jetti.
