Týr de Frans: 17-shi kezeńnen keıin «Astana» veloshabandozy Fabıo Arý segizinshi satyǵa kóterildi
ASTANA. QazAqparat - Frantsııada ótip jatqan «Týr de Frans» velokópkúndiginiń 17-shi kezeńi máresine jetti. Onda qazaqstandyq sportshylar da óz ónerlerin kórsetti.
Bern men Fınaýt-Emossno qalashyǵy arasynda 184 shaqyrymǵa sozylǵan jarys kúninde «Astana» velokomandasynyń eki shabandozy pelotonnan alǵa uzap, aldyńǵy toptyń qatarynda boldy. Nátıjeli shabýyldardan keıin jarys qorytyndysynda komanda kapıtany, ıtalıandyq shabandoz Fabıo Arý jalpy esepte segizinshi satyǵa kóterildi. Onyń sary jeıde ıesimen aradaǵy ýaqyt aıyrmashylyǵy + 05' 35'' ýaqytty qurady.
Komandanyń bas menedjeri Aleksandr Vınokýrov aqparat quraldaryna bergen suhbatynda ótken kezeńniń nátıjesine baǵa berip, óz oıymen bólisti.
«Alpi taýlarynda bastalǵan alǵashqy jarys kúnin biz shabýyldan bastadyq. Keshe ózderińiz bilesizder, demalys kúni bolatyn, sondyqtan eki shabandozymyzdy alǵa uzaǵan toptyń qataryna qosyp, qarsylastarymyzdyń sońǵy apta aldyndaǵy qaýqaryn synap kórgimiz keldi. Taýǵa shyǵý qanshalyqty qıyn soqqanyn ózderińiz de kórgen bolarsyzdar, Alekseı óziniń myqtymyn degendermen talasa alatyndyǵyn kórsetti. Sondyqtan alǵa uzaǵan toptyń qataryna qosylǵan shabandozdar tapsyrmany oıdaǵydaı atqaryp shyqty. Iá, shabýyl jasaýǵa yńǵaıly sáttiń bolmaǵany ras. Fabıo Arýmen áli sóılesken joqpyn. Múmkin qolaıly sátti kútken bolar, bolmasa dál sol sátte aıaǵy syr berdi me. Degenmen de jalpy esepte eki satyǵa kóterildik. Sondyqtan Alpi taýlaryndaǵy alǵashqy kún biz úshin nashar aıaqtaldy dep aıta almaımyn. Erteń taǵy bir aýyr kezeń, odan keıin taǵy eki kezeńdi taýda ótkizemiz»,- dedi Vınokýrov.
Al kezeń jeńimpazynyń ataǵy «Katıýsha» ókili Ilnýr Zakarınge buıyrdy. 1. RUS ZAKARIN Ilnur 149 TEAM KATUSHA 04h 36' 33''
2. COL PANTANO Jarlinson 79 IAM CYCLING 04h 37' 28'' + 00' 55''
3. POL MAJKA Rafal 37 TINKOFF 04h 37' 59'' + 01' 26''
«Astana» komadasynyń 17-shi kezeńnen keıingi jarys nátıjesi:
14. ITA ARU Fabio 21 ASTANA PRO TEAM 04h 44' 51'' + 08' 18''
21. EST KANGERT Tanel 25 ASTANA PRO TEAM 04h 45' 44'' + 09' 11''
30. KAZ LUTSENKO Alexey 26 ASTANA PRO TEAM 04h 48' 48'' + 12' 15''
32. ITA ROSA Diego 27 ASTANA PRO TEAM 04h 50' 27'' + 13' 54''
39. ITA NIBALI Vincenzo 22 ASTANA PRO TEAM 04h 53' 13'' + 16' 40''
46. DEN FUGLSANG Jakob 23 ASTANA PRO TEAM 04h 58' 20'' + 21' 47''
61. ITA TIRALONGO Paolo 29 ASTANA PRO TEAM 05h 02' 48'' + 26' 15''
66. ESP SANCHEZ GIL Luis-Leon 28 ASTANA PRO TEAM 05h 02' 48'' + 26' 15''
72. UKR GRIVKO Andriy 24 ASTANA PRO TEAM 05h 06' 59'' + 30' 26'' Jalpy esepte «SKY» ókili Krıstofer Frým kósh bastap keledi. «Astana» komadasynyń kapıtany Fabıo Arý ýaqyt aıyrmashylyǵyn qysqartyp, segizinshi satyǵa kóterildi. Jeńimpazben aradaǵy ýaqyt aıyrmashylyǵy - 05' 35''.
