«Týr Almaty-2017» velotýry kezinde jol qozǵalysy shekteledi
ALMATY. QazAqparat - «Týr Almaty-2017» velotýry barysynda jol qozǵalysy shekteledi, dep habarlaıdy QazAqparat tilshisi.
Ortalyq Azııadaǵy iri sport dodasy 30 qyrkúıek pen 1 qazan arasynda ótedi.
Jarysqa Frantsııa, Ázerbaıjan, Iran, Malaızııa, Ózbekstan, Qytaı, Latvııa, Ýkraına, Japonııa, Italııa, AQSh, Shveıtsarııa, Germanııa, Ulybrıtanııa elderinen 20 komanda qatysady.
Jarystyń birinshi kezeńinde 30 qyrkúıekte saǵat 9:00 - 10:40-de Tóle bı kóshesiniń boıymen Fýrmanov kóshesine deıin,Fýrmanov kóshesinen joǵary Sátpaev kóshesine deıin, Sátpaev kóshesinen Baızaqov kóshesine deıin, Baızaqov kóshesinen Aba kóshesine deıin, Abaı kóshesinen Jeltoqsanǵa deıin, Jeltoqsan kóshesinen Tóle bı kóshesine deıingi aımaqta qozǵalys shekteledi.
Sondaı-aq saǵat 10:40 - 11:00 - Shyǵys aınalma joly - Indýstrıaldy aımaq (Tóle bı kóshesinen ShAJ deıin, ShAJ boıymen Ál-Farabı dańǵylynan Indýstrıaldy aımaqqa deıin).
Saǵat 11:00 - 14:30 - Indýstrıaldy aımaq, 13:30 - 14:30 - Momyshuly boıymen «Almaty Arenaǵa deıingi aımaq jabyq bolady.
Jarystyń ekinshi kezeńinde 1 qazan kúni saǵat 09:45 - 10:05 - Talǵar trakty boıymen «Halyq arenadan» bastalatyn jarysqa deıin, saǵat 10:00 - 14:00 - Shyǵys Aınalma joly boıymen - Tuńǵysh Prezıdent saıabaǵy, saǵat 12:40 - 14:40 - Dostyq dańǵyly boıymen «Medeý» muz aıdynyndaǵy márege deıin jol jabyq bolady.
«Qalany, jarys baǵyttaryn, logıstıkany jáne jarysqa qatysýshylardyń qozǵalys syzbasyn, alqaly báıgege daıyndyq barysyn zertteı kelip, Ortalyq Azııada osyndaı sporttyq joba boıynsha balamanyń joq ekenin tolyq senimmen aıta alamyn», - dep atap ótti «Týr Almatynyń» tehnıkalyq dırektory Per Hatsebaýt.
Jarys aıasynda jankúıeler jáne barlyq fanattar úshin Astana Pro Team velosportshylarymen 28 qyrkúıekte sprınterlik júgirý, konkýrstar men avtograf-sessııalar uıymdastyrylady. 29 qyrkúıekte komandalar resmı tanystyrylady jáne jarysqa qatysýshylar ashyq jattyǵýlar ótkizedi.
«Men besinshi, mereıli jarys óz mártebesine jetti dep oılaımyn. Velosıped qozǵalysy Almatyda jaqsy damyǵan. Mundaı jarystar qala úshin óte mańyzdy» - dedi Qazaqstannyń velosport federatsııasynyń vıtse-prezıdenti Amanbek Kýlchıkov..
Aıta keterligi, velojarys «Eurosport» telearnasy arqyly tikeleı efırden beriletin bolady.
