Túptep kelgende tili qazaqsha shyqpaǵan balaǵa balabaqshada da, mektepte de til úıretý ońaıǵa túspeıdi - Májilis tóraǵasy O. Muhamedjanov
bsp; Naýryzdyń 19-y. QazAqparat /Qanat Mámetqazyuly/ - Túptep kelgende tili qazaqsha shyqpaǵan balaǵa balabaqshada da, mektepte de til úıretý ońaıǵa túspeıdi. Búgin QR Parlamenti Májilisinde ótip jatqan «Memlekettik til - el birliginiń kepili» atty ǵylymı konferentsııa barysynda «Bir tilde sóıleý - birlik bastaýy» taqyrybynda baıandama jasaǵan Májilis tóraǵasy Oral Muhamedjanov osylaı málim etti,
dep habarlaıdy QazAqparat.
«Memlekettik til tarıhynyń tap qazirgi kezeńinde bizge jalpy áńgimeni qoıyp, naqty iske kóshetin kez keldi. Tildiń qoǵamda keńinen qoldanýyna múmkindik týǵyzý úshin birinshi mindet ony úıretý. Tildi úıretýdiń tetigi eń aldymen balabaqsha, mektep, sosyn JOO, sosyn til úıretý ortalyqtary bolyp jalǵasa beredi. Endeshe, memlekettik tildi respýblıka azamattarynyń ıgerý isindegi jetistikterimizdi nemese olqylyqtarymyzdy osy býynnan izdeý kerek. Túptep kelgende, tili qazaqsha shyqpaǵan balaǵa balabaqshada da, mektepte de til úıretý ońaıǵa túspeıtini belgili», dedi O. Muhamedjanov.
Tóraǵanyń aıtýynsha, memlekettik tildi túsindirýdegi birinshi másele balanyń otbasyndaǵy tárbıesine tirelip tur. Sonymen birge spıker memlekettiń mindeti tildi úıretýge jaǵdaı jasaý ekendigin, al memleket bul mindetin tolyq atqaryp otyrǵanyn atap ótti.
