Túpsiz tuńǵıyq ústindegi qydyrý: arqanmen júrýshiler Vıktorııa sarqyramasyn baǵyndyrdy
ASTANA. QazAqparat - Avstrııa men Germanııadan kelgen eki arqanmen júrýshi Ońtústik Afrıkadaǵy tanymal Vıktorııa sarqyramasynyń ústimen júrip ótti.
Asa qaýipti sátterdi unatatyn eki azamat tuńǵıyqtyń ústinde tepe-teńdikti saqtaı otyryp, 100 metrlik qashyqtyqty artqa saldy.Degenmen olar saqtandyrý belbeýlerin qoldanýdy jón sanady, dep habarlaıdy «Reseı 24» telearnasy. Qaýipke toly kórinisti tamashalaǵan jurtshylyqtyń tańdanysynda shek bolǵan joq.
Barlyǵy aıaqtalǵan soń, júrek jutqan azamattar alǵan áserlerimen bólisti. Olar sarqyramany baǵyndyrý qıynǵa soqqanyn, sýdyń shashyraýy men shýy qımyldaryn jınaqtaýǵa kedergi keltirgendigin moıyndady.
