Túp–Kegen halyqaralyq trassasynyń qurylysy aıaqtaldy

BІShKEK. KAZINFORM – Túp–Kegen halyqaralyq jolynyń qurylysy aıaqtalyp, paıdalanýǵa berýge daıyn. Bul týraly jobanyń ınjeneri Sultan Sarybagyshev telearnalardyń birine habarlady, dep jazdy Kabar agenttigi.

Onyń aıtýynsha, bul jol Ystyqkól oblysynyń soltústik-shyǵysynda ornalasqan jáne Qarqara jaılaýy baǵytynda ótedi. Jańa marshrýt halyqaralyq kólik qatynasyn jáne týrızmdi damytýǵa qolaıly jaǵdaı jasaıdy.

– Joldyń jalpy uzyndyǵy – 37 shaqyrym. Joba aıasynda eldi meken ishindegi joldardy jóndeý jáne Sary-Jazǵa deıingi 13 shaqyrymdyq jol ýchaskesin salý da qarastyrylǵan, – dedi Sarybagyshev.

Ol qazirgi tańda jol belgileri syzylyp, jaryqtandyrý ornatylǵanyn jáne jol tolyqtaı paıdalanýǵa berýge daıyn ekenin qosty.