Týpak Shakýrdy óltirdi degen kúdikti 27 jyldan keıin ustaldy
AQSh polıtsııasy amerıkalyq reper Týpak Shakýrdy óltirdi degen kúdiktini ustady. QazAqparat bul týraly euronews-ke silteme jasap habarlaıdy.
Las-Vegasta sýperjuldyzdyń kóligine oq jaýdyrǵan oqıǵadan 27 jyl ótken soń banda jetekshisi jáne esirtki satýshysy retinde sıpattalǵan Dýeın Devıske resmı túrde aıyp taǵyldy.
Buǵan deıin Devıs atalǵan iske kýáger retinde qatysqan. Ol 1996 jyldyń 13 qyrkúıeginde atys bolǵan kólikte bolǵanyn suhbatynda aıtqan bolatyn. Devıs óziniń aıǵaqtarynda Týpakpen qaqtyǵysqan jáne sol oqıǵalardan eki jyl ótken soń qaıtys bolǵan jıenin kisi óltirýshi dep atady.
