Týnıstiń jańa ýaqytsha prezıdenti halyqty birlikke shaqyrdy
ASTANA. 15 qańtar. QazAqparat - Týnıste el premeri Mohammed Gannýshı keshe, 14 qańtar kúni el prezıdentiniń mindetin ýaqytsha atqarýǵa kiristi,
dep habarlaıdy ITAR-TASS agenttigi.
Ulttyq telearna arqyly tikeleı efırden sóılegen úkimet basshysy, memleket basshysy Zın ál-Abıdın ben Álıdiń óz mindetin ýaqytsha atqara almaýyna baılanysty, el prezıdentiniń mindetin óz moınyna alatynyn málim etti.
Gannýshı Týnıs konstıtýtsııasyn saqtaýǵa jáne jeltoqsan aıynan beri halyqtyń narazylyq sharalarynan kóz ashpaı otyrǵan elde tártipti ornatýǵa ýáde berdi. Ol sondaı-aq eldiń saıası kúshterimen, onyń ishinde partııalarmen jáne azamattyq qoǵamdarmen keńese otyryp, buǵan deıin málim etilgen saıası jáne áleýmettik-ekonomıkalyq reformalardy júzege asyrýǵa da ýáde berdi. Gannýshı el azamattaryn birlikke jáne patrıotızmge shaqyrdy.
Týnıs oppozıtsııasy elde memlekettik tóńkeris bolǵanyn málim etip otyr. Bul týraly BBC World News telearnasyna bergen suhbatynda týnıstik «Jańarý qozǵalysy» partııasynyń jetekshisi Mahmud ben Romdhan habarlaǵan. «Kelip túsken sońǵy aqparattar boıynsha, prezıdent Zın ál-Abıdın ben Álı bılik basynan ketti, elde tóńkeris jasaldy», - deıdi ol. Degenmen, . Mahmýd ben Romdhan, bul aqparattyń shynaıylyǵyna senimdi emes ekenin málim etken.
Zın ál-Abıdın ben Álı Týnısti 1987 jyldan beri basqaryp keldi.
