Týnıstiń qashqyn prezıdentiniń 39 avtokóligi men baǵaly zattary aýktsıonǵa shyǵaryldy
ASTANA. 23 jeltoqsan. QazAqparat - Týnıste eldiń eks-prezıdenti Zın al-Abıdın ben Alıdiń dúnıe-múlki bássaýdaǵa shyǵaryldy. Bul týraly Vestı.Rý habarlady.
Lottardyń jalpy quny 13 mıllıon dollardy quraıdy.
Aýktsıonǵa Týnıstiń burynǵy basshysy men onyń jaqyndaryna tıesili bolǵan 39 lıýksti avtomobıl, zergerlik buıymdar jáne ınterer zattary qoıyldy. Onda 2,5 mıllıon dollarǵa baǵalanyp otyrǵan ben Alıdiń jıeniniń Mersedesin kórýge bolady, ondaı kólik tek Marokko korolinde bar. Eksklıýzıvti mashınany kórýge jáne satyp alýǵa adamdar búkil álemnen kelýde.
Uıymdastyrýshylar lottardan 10 mln. eýro túsirýdi kózdep otyr.
Saýdalar ótip jatqan qonaq úı ǵımaratyn áskerıler kúzetýde. Aýktsıonnan túsken barlyq qarajattar el bıýdjetine túsedi, sebebi, Týnıs ekonomıkasy qazir aýyr jaǵdaıdy bastan ótkerýde.
Eske salaıyq, prezıdent ben Alıdiń múlki jappaı tártipsizdikter bastalǵan 2011 jyly ol elden qashyp ketkennen keıin tárkilengen bolatyn. Oǵan Saýd Arabııasynda saıası baspana usynyldy. Ben Alı týǵan elinde sherýshilerdiń ólimi úshin ómir boıǵy jazaǵa kesildi jáne oǵan jemqorlyq úshin 65 mln. dollar aıyppul salyndy.
