Týnıstiń 21 jastaǵy azamaty men 71 jastaǵy shveıtsarııalyq áıeldiń úılenýine sot qarsy boldy
ASTANA. qazAqparat - Shveıtsarııa soty Týnıstiń 21 jastaǵy azamaty 71 jastaǵy qalyńdyǵyn unatpaıdy dep sheshken. Tergeý qorytyndysynda, jas adamdy tek, jergilikti azamattyqty alý múmkindigi qyzyqtyryp otyr delingen.
Buǵan qarsy shyqqan áıel aralarynda qyzyqty sátter, ortaq túsinik kóp ekenin aıtty. «Ekeýimiz de rep tyńdaýdy, tabıǵatta serýendeýdi jaqsy kóremiz», - dedi ol.
Lenta.rý-dyń habarlaýynsha, olar úsh jyl buryn ǵalamtorda tanysqan, biraq alǵash ret tek ótken jyly kezdesipti.
Shveıtsarııa zańdary boıynsha, úılenip jatqandar turǵylyqty jeri boıynsha ótinish berýi, odan keıin tekseristen ótýi tıis. Bul tekseris barysynda AHAJ bóliminiń ókiletti qyzmetkeri barlyq qajetti qujattardy qarastyrady. Eger bári durys bolsa, qaǵazdar sotqa sheshim qabyldaý úshin jiberiledi.
