Týnısten ketetin týrısterge salyq salynatyn boldy
ASTANA. QazAqparat - 1 qazannan bastap Týnıs bıligi sheteldik týrıster úshin elden ketý salyǵyn engizdi: elden shyǵý úshin sheteldikter quny 30 dınar (17 dollardan sál astam) turatyn arnaıy markany satyp alýlary tıis.
Salyq esebinen jınalǵan qarjy memlekettiń týrıstik ınfraqurylymyn jaqsartýǵa jumsalmaq, dep habarlaıdy Vestı. Aldyn ala esepteýler boıynsha, jańa salyq túri 2014 jyldyń sońyna deıin Týnıs qazynasyna 40 mıllıon dınar (23 mln. dollar) quıýy tıis, al 2015 jyly bul soma 120 mıllıon dınardy (69 mln. dollar) quramaq.
