Týnıstegi shabýylǵa baılanysty bir top kúdikti ustaldy
ASTANA. QazAqparat - Týnıs bıligi kýrortty Sýs jaǵajaıynda adamdarǵa shabýyl jasady degen kúdikpen bir top adamdy ustady, dep jazady Bı-bı-sı.
Týnıstiń ishki ister mınıstri Nadjem Garsallıdiń sózine qaraǵanda, bir top kúdikti ustaldy, alaıda ol naqty qansha adamnyń qolǵa túskenin atamady.
Týnıs bıligi shabýyl jasaǵan adam Lıvııadaǵy jıhadshylar lagerinde oqýdan ótkenin, ne ótpegenin anyqtap jatyr.
Imperial Marhaba qonaq úıiniń jaǵajaıynda týrısterge oq atqan adamnyń qolynan 38 adam zardap shekti. Deni Brıtanııa azamattary.
Jeksenbi kúni Týnıste qaza tapqan azamattardy eske alý qurmetine Ulybrıtanııa premer-mınıstriniń rezıdentsııasyndaǵy jáne ózge de memlekettik mekemelerdegi týlar túsirildi.
Týnıstiń premer-mınıstri Habıb Essıd qaýipsizdik sharalarynyń kúsheıtilgenin aıtty.
