Týnıstegi lańkestik oqıǵadan zardap shekkender arasynda qazaqstandyqtar joq - SІM
ASTANA. QazAqparat - QR Syrtqy ister mınıstrligi baspasóz qyzmetiniń basshysy Ánýar Jaınaqovtyń aqparatyna súıensek, Týnıstegi qarýly shabýyl kezinde zardap shekkenderdiń arasynda qazaqstandyq azamattar bolmaǵan.
Kaır qalasyndaǵy jáne qosymsha Týnıstegi Qazaqstan Elshisi Týnıs Іshki ister mınıstrliginen osy eldegi terrakt saldarynan zardap shekkenderdiń arasynda elimizdiń azamattary joq ekendigin rastaǵan jaýap aldy, dep habarlady QR SІM baspasóz qyzmetiniń basshysy. Eske salsaq, keshe, 26 maýsymda Týnıstegi tanymal Sýs jaǵajaıyna shabýyl jasaldy. BAQ aqparatyna súıensek, lańkestik qurbandarynyń sany 39- adamǵa jetken. Týnıstegi oqıǵany «Islam memleketi» ekstremıstik toby uıymdastyrǵan.
