Týnıste jasóspirim qyz lańkester qataryna 1 myńǵa deıin mektep oqýshylaryn tartqan
ASTANA. QazAqparat - Týnıste lańkestik uıym qataryna 1 myńǵa tarta mektep oqýshylaryn tartqan provıntsııalyq mekteptiń oqýshy qyzy tutqyndaldy. Bul týraly beısenbi kúni týnıstik TAP aqparat agenttigi habarlady.
Olardyń málimetteri boıynsha, 16 jastaǵy mektep oqýshysy áleýmettik jeliler jáne telefon arqyly «Ansar ash-sharıa» (Sharıǵat jaqtastary») ýltraradıkalyq salafıttik top qataryna adamdar tartýmen aınalysqan. Ony ustaý basqa bir osyndaı adamdar tartýshyny qolǵa túsirgennen keıin múmkin boldy, ol tutqyndalǵannan keıin aıybyn moıyndady.
Qazirgi kezde Týnıstiń búkil aýmaǵynda aýqymdy lańkestikke qarsy arnaıy operatsııa júrgizilýde. Segiz kún ishinde respýblıkanyń ulttyq gvardııasy men ІІM kúshimen lańkestik toptar qyzmetine qatystylyǵyna kúdikti 1,3 myńnan astam adam ustaldy, dep habarlady TASS.
24 qarashada Týnıs astanasynda ishki ister jáne týrızm mınıstrlikteriniń mańynda jarylys boldy. 13 adam mert bolyp, 20-sy jaraqat aldy. Osy kúni el prezıdenti 30 kún merzimge tótenshe jaǵdaı jáne astanada túnde komendanttyq saǵat engizilgenin jarııalady. 25 qarashada Týnıstiń ulttyq qaýipsizdik keńesi 26 qarashadan bastap Lıvııamen qurǵaqtaǵy shekarany 15 kúnge jabýǵa sheshim qabyldady.
