Týnıste úsh kún aza tutylady
ASTANA. 21 qańtar. QazAqparat - Prezıdent Zın ál-Abıdın ben Álıdiń rejiminiń qulaýyna ákegen halyq tolqýynda qaza tapqandardy eske alý maqsatynda búgin Týnıste Aza tutý úshkúndigi bastalady,
dep habarlaıdy «Maıak» radıosy.
Beısenbi kúni ótken ulttyq birlestik úkimetiniń birinshi otyrysynda osyndaı sheshim qabyldandy.
Resmı málimetter boıynsha, buqaralyq tolqýdyń nátıjesinde Týnıste 78 adam qaza boldy, 100-ge jýyq adam jaralandy.
Týnısten jetken taǵy bir jańalyq - eldiń ýaqytsha ókimeti saıası tutqyndarǵa raqymshylyq jarııalady. France-Press agenttiginiń aqparaty boıynsha, respýblıkanyń ýaqytsha basshysy, parlamenttiń burynǵy spıkeri Fýad Mbaaza jetekshilik etetin mınıstrler kabınetiniń alǵashqy otyrysynda osyndaı eki sheshim qabyldandy.
