Týnıste tótenshe jaǵdaı jarııalandy
ASTANA. QazAqparat - Týnıs bıligi 38 adam qurban bolǵan Sýse kýrortyndaǵy qonaqúıge ıslamshylar shabýyl jasaǵannan keıin bir aptadan soń el aýmaǵynda tótenshe jaǵdaı engiziletinin jarııalady, dep habarlady Bı-bı-sı.
Qaýipsizdikti kúsheıtý jospary aıasynda el ókimeti týrıstik aımaqtar men jaǵajaılarǵa áskerlerdi shoǵyrlandyrdy.
Týnıs Prezıdenti Bedjı Kaıd Essebsı senbi kúninen keıinirek ultqa úndeý joldamaq.
«Islam memleketi» ekstremıstik toby ótken juma kúngi shabýyldy óz moıyndaryna aldy, onyń saldarynan 36 brıtandyq, sondaı-aq Germanııa, Belgııa, Reseı jáne Týnıs azamattary qurban boldy.
Ulybrıtanııanyń premer-mınıstri Devıd Kemeron jıhadshylar Batysqa úlken qaýip tóndirip otyrǵanyn málimdedi.
