Týnıste terrorızm úshin ólim jazasy engizildi
ASTANA. QazAqparat - Týnıste terrorızm úshin ólim jazasy kesiletin boldy, dep habarlady aqparattyq agenttikter.
Úsh kúndik pikirtalastan keıin Týnıs parlamenti kópshilik daýysymen zańǵa engizilgen túzetýlerdi maquldady, ol sondaı-aq terrorızmdi jarııa aqtaǵandardy túrmege qamaýdy, kúdiktini sottyń sanktsııasynsyz 15 kúnge deıingi merzimde qamaýda ustaýdy, advokatqa qoljetimdilikti kózdeıdi, arnaıy qyzmetterge telefonmen áńgimelesýlerdi tyńdaýdy jeńildetedi. Spıker Muhammed Ennaserdiń pikirinshe, engizilgen ózgerister azamattardyń óz qaýipsizdigine senimdiligin arttyrady. Eske sala keteıik, bir aı buryn, 26 maýsymda, qarýly qylmysker Sýs kýrorttyq qalasynda jaǵajaıda demalyp jatqan týrısterge oq atyp, saldarynan 38 adam qaza tapqan. Budan buryn, 18 naýryzda 21 týrıst el astanasyndaǵy Bardo murajaıyndaǵy atystyń qurbany boldy. Eki shabýyl úshin aıyp «Islam melmeketi» sodyrlaryna júktelip otyr.
