Týnıste taǵy terakt bolýy múmkin
ASTANA. QazAqparat - Ulybrıtanııanyń Syrtqy ister mınıstrligi brıtandyqtarǵa Týnıske sapardan bas tartýdy, al demalyp jatqandarǵa elden ketýdi usyndy.
Vedomstvonyń pikirinshe, elde taǵy bir terrorlyq shabýyl bolý qaýpi bar.
Bı-bı-sı tilshisi týrıster bundaı usynys naqty josparlanǵan shabýyl jaıly aqparat negizinde emes, sodyrlardyń taǵy da shabýyl jasaýdan taıynbaı otyrǵandyǵynan joldanǵanyn aıtady.
Syrtqy ister mınıstri Fılıp Hemmond Týnıs bıligi kýrortty aımaqtarda qaýipsizdik sharalaryn kúsheıtkenmen, alaıda, brıtandyq bıliktiń pikirinshe, týrısterdiń qaýipsizdigin tıisti deńgeıde qamtamasyz etýge bul ázirge jetkiliksiz ekenin málimdedi.
Týnıs bıligi 26 maýsymda oryn alǵan shabýyldan keıin elge tótenshe jaǵdaı engizetinin habarlady. Onda 30 brıtandyq, sondaı-aq Germanııa, Belgııa, Reseı, Týnıs azamattary shabýyl qurbany boldy.
