Týnıste sherýshiler ýaqytsha úkimetti taratýdy talap etýde
ASTANA. 24 qańtar. QazAqparat - Týrıste júzdegen adam komendanttyq saǵatqa qaramastan, premer-mınıstr ákimshiliginiń janynda narazylyq sherýin ótkizýde, dep habarlaıdy VVS-diń Orys qyzmeti.
Olar taǵynan taıdyrylǵan prezıdent Ben Álıdiń jaqtastary jetekshilik etip otyrǵan ýaqytsha úkimettiń otstavkasyn talap etýde. Komendanttyq saǵat engizilgeli beri demonstranttar alǵash ret oǵan qulaq aspaýda, bılik ázirge kúsh qoldanǵan joq.
14 qańtarda Týnıste memlekettik tóńkeris bolǵanyn buǵan deıin habarlaǵan bolatynbyz. Prezıdent Saýd Arabstanyna qashyp ketti. Al 17 qańtarda jańa Týnıs úkimeti jasaqtalyp, Mohammed Gannýshı óz premerlik ornyn saqtap qaldy. Al parlament spıkeri Fýad Týnıs 15 qańtarda memleket basshysynyń mindetin ýaqytsha atqarýshy retinde ant qabyldady. Týnıstiń Konstıtýtsııalyq keńesi málim etkendeı, prezıdenttik saılaý aldaǵy 60 kúnniń ishinde ótpek.
