Týnıste prezıdent saılaýyna 69 úmitker tirkeldi
TÝNIS. QazAqparat – Týnıste prezıdent laýazymyna úmitkerler sany 69 adamǵa jetti, dep habarlaıdy «QazAqparat» HAA Middle East Monitor basylymyna silteme jasap.
Frans Press (AFP) agenttiginiń habarlaýynsha, Ennahda qozǵalysy usynǵan Halyq ókilderi assambleıasynyń birinshi vıtse-prezıdenti Abdelfattah Mýrý men «Týnıs aman bolsyn» partııasynyń atynan shyqqan premer-mınıstr ıÝsef Chahed keshe tańerteń kandıdatýrasyn bekitken.
Chahed jýrnalısterdiń aldynda málimdeme jasap, úkimetten ketpeıtinin aıtty. 71 jastaǵy Mýrý da «elge qyzmet etý» nıetinen qaıtpaıtynyn bildirdi.
Eldiń qorǵanys mınıstri Abdelkarım Zbıdı de prezıdenttikten úmitker. Ony Nidaa Tounes partııasy qoldap otyr. Zbıdı Týnıstiń burynǵy lıderi, marqum Bedjı Kaıda Essebsımen jıi kezdesetin ári ony kópshilik sonyń izbasary dep atap otyr.
El basqarýdan úmitker bolyp otyrǵandardyń arasynda belgili bıznesmen ári BAQ qaıratkeri Nabıl Karýı de bar. Ol qarjy jymqyrýda aıyptalsa da, kedeılerdi qorǵaýǵa ýáde berip otyr.
Saılaý aldyndaǵy úgit 2-13 qyrkúıekterge belgilengen. Tynyshtyq kúninen keıin saılaýshylar 15 qyrkúıekte daýys beredi. Al saılaýdyń adyn ala nátıjeleri 17 qyrkúıekte belgili bolýy tıis.
