Týnıste ótken halyqaralyq ónertabystar konkýrsynda qazaqstandyq oqýshy gran-prı jeńip aldy

ASTANA. KAZINFORM — 22-28 naýryz kúnderi Týnıs memleketi Mahdııa qalasynda oqýshylar arasyndaǵy halyqaralyq ǵylym jáne ónertabystar konkýrsynda 8-synyp oqýshysy Kýttygalıeva Adııa  úzdik ondyq qatarynda enip, Gran Prı ıelendi. Bul týraly QR Oqý-aǵartý mınıstrligi habarlady. 

Mahdııa qalasynda oqýshylar arasyndaǵy ótken konkýrs «THE INTERNATIONAL FESTIVAL OF ENGINEERING SCIENCE AND TECHNOLOGY IN TUNISIA (I-FEST - 2024)» taqyrybynda boldy. 

Baıqaýǵa álemniń 50 memleketi qatysty. Qazaqstannyń atynan Almaty qalasy Naýryzbaı aýdanyndaǵy №176 mektep-gımnazııasynyń 8-synyp oqýshysy Kýttygalıeva Adııa «Tık-tok klıptyq oılaý júıesiniń jasóspirim balalarǵa keri áseri» atty taqyrypta ǵylymı jobasyn qorǵaǵan. 

Sondaı-aq, Adııa álemniń 50 elinen qatysqan jas ónertapqyshtar arasynda úzdik 10 konkýrsanttyń qatarynda qosylyp, kók týymyzdy jelbiretip, el abyroıyn asqaqtatyp qaıtty.

Mektep ujymy men Almaty qalasyndaǵy «Daryn ortalyǵy» jeńimpaz qyzdy áýejaıda án-kúımen, plakat ustap saltanatty túrde qarsy almaqshy.