Týnıste lańkestikke qarsy beıbit sherý ótti
ASTANA. QazAqparat - Týnıstiń Sýs qalasynda júzdegen adam din atyn jamylǵan sodyrlardyń taıaýdaǵy qandy shabýylyna qarsylyq tanytyp, beıbit sherýge shyqty. Marsh týrısterdi atqan qonaqúılerdiń biriniń janynda ótti, dep habarlaıdy «VVS» agenttigi.
Jınalǵandar qolyna maısham ustap shyǵyp, «Sýs eshqashan ólmeıdi» degen sózdi uran etti. Aktsııanyń keıbir qatysýshylary Brıtanııa jalaýyn kóterip shyqty. Sebebi, bul oqıǵada qaza tapqan 15 adam Ulybrıtanııanyń azamaty edi.
Osyǵan uqsas narazylyq sharasy el astanasy Týnıs qalasynda da ótti.
Eske sala keteıik, 26 maýsymda Sýstaǵy eki qonaqúıge jasalǵan shabýyl saldarynan 38 adam qaza tapty.
Sońǵy málimet boıynsha, ózi jalǵyz jurtty qanǵa bóktirgen shabýylshy jaǵajaıda demalýshy sııaqty júrgen.
Qurban bolyp, zardap shekkenderdiń kóbi Brıtanııa jáne Germanııa týrısteri. Týnıs bıligi sodyr atys kezinde óltirilgenin habarlady. Shabýyldy «Islam memleketi» sodyrlaly jasady.
