Týnıste lańkestik aktisinen keıin tótenshe jaǵdaı rejımi men komendanttyq saǵat engizildi
ASTANA. QazAqparat - Týnıs Prezıdenti Bejı Kaıd es-Sebsı seısenbi kúni oryn alǵan lańkestik oqıǵasynan keıin el aýmaǵynda 30 kúnge tótenshe jaǵdaı rejımi engizilgeni jaıly málim etti, dep habarlady RIA Novostı.
Sondaı-aq elde komendanttyq saǵattyń engizilgeni jaıly aıtyldy. Ol jergilikti ýaqytpen saǵat 21.00-den tańǵy saǵat 05.00-ke deıin sozylady.
Seısenbi kúni Týnıs astanasynyń ortalyǵynda prezıdenttik kúzetti tasymaldaǵan avtobýs jaryldy. El bıligi muny lańkestik dep atady. El prezıdenti ákimshiliginiń málimetterine sáıkes, 12 adam terakt qurbany boldy, taǵy 17-si jaraqattandy.
Osyǵan deıin kúsh qurylymdaryndaǵy aqparat kózi Sputnik agenttigine habarlaǵandaı, sońǵy nusqa boıynsha lańkes avtobýsqa jaqyndap kelip jarylǵysh zatyn iske qosqan.
Prezıdent Bejı Kaıd es-Sebsı 25-26 qarashada Shveıtsarııaǵa saparmen barý josparynan bas tartty.
