Týnıste IKU Qorshaǵan ortany qorǵaý mınıstrleriniń 4-shi otyrysy ótti
ASTANA. Qazannyń 6-sy. QazAqparat. Qazannyń 5-6 -da Týnıs qalasynda Islam Konferentsııasy Uıymy (IKU) Qorshaǵan ortany qorǵaý mınıstrleriniń 4-shi otyrysy ótti. Atalǵan sharaǵa QR Qorshaǵan ortany qorǵaý vıtse-mınıstri M.Turmaǵambetov bastaǵan Qazaqstan delegatsııasy qatysty,
dep habarlaıdy IKU janyndaǵy Qazaqstannyń turaqty ókildigi.
Qazaqstan Respýblıkasynyń musylman elderi arasynda aýmaǵy úlken jáne ındýstrııasy ilgeriligi eskerile otyryp, mınıstrler otyrysyna qatysýshylar QR jasyl tehnologııalardy damytý jáne qalypty damý salalaryndaǵy bastamalaryn rızalyqpen qarsy aldy. Osy oraıda QR Prezıdenti N.A.Nazarbaev usynǵan jáne Astanada ótken Azııa-Tynyq muhıty aımaǵynyń Qorshaǵan orta jáne damý mınıstrleriniń 6-shi konferentsııasyna qatysýshylar bekitken «Jasyl kópir» atty baǵdarlama joǵary baǵaǵa ıe boldy.
Jumys sapary barysynda vıtse- mınıstr M.Turmaǵambetov baıandama jasady, sondaı-aq Týnıs prezıdenti Zın Ál Abıdın ben Alımen jáne osy eldiń Qorshaǵan orta jáne birqalypty damý mınıstri Nadır Hamadamen, basqa da delegatsııalar basshylarymen kezdesti. Kezdesýler barysynda ol Eýropa jáne Azııa-Tynyq muhıty aımaǵynyń ekologııalyq turaqtylyq kúsh-qýatyn biriktirý salasynda «Jasyl kópir» baǵdarlamasy aıasynda Qazaqstan Elbasy usynysynyń mán-maǵnasyn tolyq baıan etti. Sonymen birge 2010-2014 jyldar aralyǵynda QR qorshaǵan ortany qorǵaý jáne tabıǵı ekojúıesin qalpyna keltirý týraly «Jasyl damý» baǵdarlamasyn tanystyrdy.
