Týnıste burynǵy bılik júrgizýshi partııanyń qyzmeti toqtatyldy
ASTANA. 7 aqpan. QazAqparat - Týnıstiń Іshki ister mınıstrligi eldiń burynǵy bılik júrgizýshi partııasy - Demokratııalyq konstıtýtsııalyq birlestiginiń jumysyn toqtatý týraly qaýly qabyldady,
dep habarlaıdy «Maıak» radıosy. Ol partııaǵa sońǵy 23 jyl boıy jetekshilik etip kelgen eks-prezıdent Zın ál-Abıdın ben Álıdiń 14 aqpanda buqaranyń qysymynan keıin elden qashyp ketkenin budan buryn habarlaǵan bolatynbyz.
Іshki ister mınıstrligi ókiminiń negizinde partııanyń barlyq ortalyq jáne aýmaqtyq organdary jabyldy, partııalyq úgit-nasıhat sharalaryn ótkizýge tyıym salyndy. Іshki ister mınıstri Farhat Radjıdiń «ádildik múddesi úshin jáne zań buzýǵa jol bermeý maqsatynda» qabyldaǵan ókiminiń kúshi «partııany taratý týraly resmı sot sheshimi qabyldanǵanǵa deıin» saqtalady, delingen vedomstvo kommıýnıkesinde.
Oppozıtsııa men manıfestanttardyń talap etkeni de osy bolatyn.
