Týnıste ashynǵan top polıtsııa ýchastogyn órtep jiberdi
ASTANA. 7 aqpan. QazAqparat - Týnıste ashynǵan top polıtsııa ýchastogyn órtep jiberdi. Tártip saqshylarynyń habarlaýynsha, adamdar aldymen ǵımaratty tonaǵan,
odan keıin órtep jibergen, dep habarlaıdy RBK Associated Press agenttigine silteme jasap. Oqıǵa saldarynan eshkim zardap shekpegen.
Qazir Týnıstegi barlyq úkimettik ǵımarattar armııanyń kúzetinde. Esterińizge sala keteıik, Týnıstiń elordasynda sherýshilermen bolǵan jańa qaqtyǵystardyń barysynda 2 adam qaza bolyp, taǵy 17 adam zardap shekken edi. Sherýshiler polıtsııa ýchastogyna tas jáne otyn quıylǵan shólmekter laqtyra bastaǵannan keıin, polıtsııaǵa olarǵa qarsy oq ashqan.
Týnıstegi oqıǵalardy tekserýmen aınalysyp jatqan BUU mıssııasynyń sońǵy derekteri boıynsha, elde oryn alǵan tártipsizdikter barysynda barlyǵy 219 adam qaza tapqan, 510 adam jaralanǵan.
