Týnıske burynǵy prezıdent jymqyrǵan qarjy qaıtaryldy
ASTANA. 12 sáýir. QazAqparat - Týnıs eli úkimetiniń sendirýinshe, burynǵy prezıdent Zın Abedına Ben Alı jymqyrǵan 29 mln. AQSh dollary keri qaıtaryldy.
Qarjy BUU kómegimen qaıtarylǵan. Bul jaıynda Týnıs memlekettik telearna habarlaıdy. Atalmysh uıymnyń sheńberinde qurylǵan sarapshylar toby qoldy bolǵan qarjyny izdeý jumystaryna kirisken eken.
2011 jyldyń qańtarynda eldiń burynǵy prezıdenti Ben Alı 23 jyldyq basqarýyna núkte qoıǵan kóterilisten keıin Týnısten tabanyn jaltyratqan. BUU ókili Alı bın Fetaıs Marrı 29 mln. AQSh dollary kólemindegi chekti prezıdent Monsef Marzýkıge tapsyrǵan. Marrı "arab kóktemi" oqıǵasynan keıin qyzmetinen aırylǵan arab memleketterindegi burynǵy prezıdentterdiń aktıvterin izdeýmen aınalysatyn BUU sarapshylar tobyn basqarady.
